BISAN hapit na matapos ang panahon sa ting-init, di pa uhawi ang tanan alang sa paglulingha­yaw ug paglingaw-lingaw kauban ang imong pamilya lakip sa i­­­mong mga barkada.

Buot ka bang mosoroy sa mga nagkadaiyang falls sa Sugbo? Di na kinahanglan pang moadto ka sa layo o mabiyahe pa sa lagyong lugar, adunay usa ka resort sa dak­bayan sa Sugbo nga mahimo nimong masuroyan sa di pa ma­tapos ang summer.

Ang Cebu Wetland Resort nahimutang sa Highway Tagunol, Barangay Basak Pardo, siyudad sa Sugbo.Kini natukod niadtong 2009 alang sa paglingaw sa mga tawo ilabi na kadtong mga tawo nga way igong kwarta aron pagbiyahe sa mga lagyong dapit.

Ang resort adunay upat ka swimming pool alang sa mga dagko ug bata. Sa imong P150 nga budget, mahimo na nimong ma-enjoy ang imong kaugalingon sa ilang mga swimming pool nga adunay gagmayng water falls. Perpekto ang summer bonding sa pamilya, mga managhigalaay ug managhigugmaay tungod sa kadaghang makalingaw sa naasoyng resort. Sama sa fishing ug boating sa ilang lake diin mogasto ka lang og P50 matag usa.

Kon nagplano mo sa imong kapikas, barkada, o pamilya nga mag-overnight stay, aduna usab silay hotel nga fully air-conditioned room.

Ang ilang standard rooms nikantidad lang og P1,600, deluxe room anaa sa P1,850, ug ang family room mokantidad og P3,200.

Aduna usab silay function rooms alang sa mga forum o business meetings nga nikantidad og P6,000 alang sa 60 ka tawo.

Kon ikaw hilig usab nga mag-foodtrip, aduna silay restaurant nga nagtanyag og lamian nga pagkaon nga mokantidad lang og P100 ngadto sa P150 ug ang ilang best seller dish mao ang ilang grilled tilapia nga nikantidad og P250 matag kilo.

Mas mahimong halandumon pa ang imong summer sanglit plano karon sa engineer sa resort ang pagdugang og duha ka swimming pool ug pagkuha nilag live bands alang sa paglingaw sa ilang mga kustomer sa ilang restaurant.

Ang resort mamahimo usab nga pahiga­yonan sa wedding reception, pwedeng dapit alang sa mga okasyon sama sa bunyag o mga team building.

Alang sa interesado sa resort mahimong mokontak sa (032) 272-6860, (032) 261-9919 o pwede sila ma-check sa email address nga rodencost@yahoo.com. (Hershyl Jade Rojas, Robhe Jane Yara ug Julie Ann Pantaliano, CNU Comm Interns)