GIPABUHAGAY ni British boxing star Amir Khan, kanhi sparring mate ni Manny Pacquiao, nga hapit na’ng ma-finalize ang panagharong nila ni Floyd Mayweather Jr.
Si Khan, 28, gikan sa unanimous decision nga kadaugan batok sa kanhi gilupig ni Pacquiao nga si Chris Algieri sa miaging semana.
Samtang si Mayweather gikan sab sa unanimous decision nga kadaugan batok kang Pacquiao niadtong Mayo 2.
“I don’t think I have ever been closer to getting the fight with Floyd Mayweather than I am at this moment,” matod ni Khan sa interbyu sa www.boxingscene.com.
Gipasabot nga ang iyang kadaugan batok kang Algieri nakapadako sa iyang poruhan nga ikaharong ang wala’y pildeng si Mayweather, kinsa maoy pound-for-pound champion.
Si Khan naggunit og 31-3, 19 KOs nga rekord.
“The indications are that I have strengthened my case with my win over Algieri and I believe there is every chance the fight could be confirmed within the next two weeks.”
Taodtaod na sab nga nagtinguha si Khan nga makakuha og dakong away batok sa bantugang mga boksidor sama ni Mayweather.
“I have waited too long and while I believe it is finally going to happen (Mayweather fight), I am still determined to pursue other big fights in the US once I have had some time off with my family.”
Gani nipadayag sab si Khan kaniadto nga andam sab siyang makigharong kang Pacquiao.