PUYA gilabay sa walay puangod nga inahan didto sa kalibonan sa sitio Kimba, Barangay San Roque, dakbayan sa Talisay.

Si SPO2 Yvonne Ilustrisimo sa Talisay City Police Station nibutyag nga lalaki ang maong puya nga gibana-banang lima ngadto sa unom ka buwan.

Ang maong puya, matod pa, gisulod sa karton ug gibutang pa gyud og hand bag.

Matod ni SPO2 Ilustrisimo nga usa ka bata sa maong lugar nitug-an kanila nga usa ka lalaki ang iyang nakita nga maoy nilabay sa bag didto sa maong dapit.

Ang bata nga nakur­yoso maoy nisunod sa pagtan-aw ug daling giablihan.

Didto iyang nakita nga puya ang sulod sa karton.

Matud pa ni Ilustrisimo nga ila kining gidala ngadto sa pampublikong menteryo sa Barangay Cansojong aron ilubong.

Sa pagkakaron, gisusi pa sa kapulisan sa Talisay kon si kinsa kadtong lalaki nga nakit-an sa batang saksi nga maoy milabay sa puya.