CONSTRUCTION worker patay human gidunggab og kutsilyo samtang nahinanok sa pagkatulog sa Lower Calajoan, lungsod sa Minglanilla kagahapon sa alas 12:40 sa kaadlawon.
Si Ranelio Pencirga, 40, trabahente ug napuyo sa samang dapit, dunay kapuyo, dead-on-arrival sa Minglanilla District Hospital human nakaangko’g daghang samad sa lawas.
Wa na igkita si Alfredo Cabanca, 36, taga Barangay Poblacion, dakbayan sa Talisay, kinsa paspas nga nisibat palayo sa maong lugar human sa kremin nga gibilin ang 13 ka pulgadang kutsilyo.
Si PO2 Nikki Carlo Plarisan sa Minglanilla Police Station niingon nga love triangle ang motibo sa krimen human ang suspek kanhi hinigugma sa kapuyo niini karon.