DAGHAN ang nakurat sa mga kasuko nga gipagawas ni Diego Loyzaga ngadto sa iyang amahan nga si Cesar Montano.

Sa iyang sunod-sunod nga Instagram posts, ang 21-anyos nga si Diego nitawag niining bakakon og hipokrito ug pag-atake niini sa wala pagbali-bali kaniya samtang gamay pa kini.

“Sa lahat ng nakakabasa nito, iisipin niyo siguro wala akong respeto kasi ama ko iyan. Pero sana tandaan niyo na mula ng pinanganak ako ng nanay ko eh dineny na ako niyan hangang ngayon! Kaya siguro puwede ako magsalita ng ganito,” butyag niini.

Si Diego anak ni Cesar sa kanhi aktres nga si Teresa Loyzaga. Gipadako kini sa Australia ug miuli sa Pilipinas niadtong tuig 2011.

Daw usa sa iyang nasuk-an pag-ayo mao ang daw pag-akusar ni Cesar nga usa siya ka drug addict.

“Padamputin mo na ako [at] lagyan ako ng karatula, 'di ba iyan ang sinabi mo?” butyag niini.

“Kaming dalawa ng kapatid ko? Mag malinis ka na. Sakay ka na sa kanila pero sariling mong anak 'di mo ipagtatanggol. Sarili mo lang! Magaling. Best actor ka nga!”

Gipasabot sab niini nga sa lima ka mga drug test nga iyang gipaubos pulos negatibo ang resulta.

“Pero [ang] lakas pa rin ng loob mo na pag bintangan akong adik.”

Si Cesar ang nailing supporter ni President Rodrigo Duterte kinsa suportado sa giyera kontra droga.