PUNO sa kalingawan, pa-premyo og all-out entertainment ang Boardwalk Silversaya nga gihimo sa Davao City Recreation Center (Almendras Gym), Enero ning tuig.
Tsika ni Lloyd Absalon Magallanes, manager sa Boardwalk Davao, nga pamaagi nila kini nga mapaambit ang pasalamat sa ilang mga kliyente ug partners sa laing tuig sa kalambuan ug kalampusan sa kompanya.
“Entire Philippines 'yung celebration talaga. Dito sa Davao, we also have our own activity, plus may mga artista tayong bitbit to add more fun.”
Mga dumuduong sa aktibidad that day, nalingaw ug all excited dihang nakita ang mga brand ambassadors sa Boardwalk nga gilangkuban nila Jerome Ponce, Janine Gutierrez, ug Matteo Guidicelli.
Luyo sa makalingaw nga paduwa, gihimo sab ang model search sa kapin 50 ka partisipante.
“We conducted go-sees para sa Model Search natin, all of them from Davao. And Avel Bacudio will serve as judge,” dugang ni Magallanes.
Ang Model Search may nagkadaiyang kategoriya, diin gibana-banang anaa sa kapin 60 ang misalmot.
Gikan sa mga milampus sa go-see, miguwang mananaug sa Adult Female Category sila Marylle Vielyante ug Ybonne Orlega. Winners sab sa Adult Male sila Jarret Marrius Collamar ug John Peter Soriano.
Sila John Charles Soriano ug Angelica Descallar ang nanguna sa Junior Male ug Female Category.
Ug wala sab pauwahi sila Jesster Daratao ug Nikki Shannen Ortega sa Teen Male and Female Category.
Una pa man ang pag-ariba sa main event nila sa Almendras Gym, gihimo ang Silversaya Motorcade nga miagi sa nagkadaiyang dalan sa dakbayan.