TALISAY City Disaster Risk Reduction and Manage­ment Office (TCDRRMO) gimandoan nga moduso na og mga dukomento. Kini na lang ang gipaabot aron madeklarar ang state of calamity ang lima ka mga bukirang barangay.

Una niini, ang konseho nagdumili sa pagdeklarar sa state of calamity sa lima ka mga bukirang barangay human ang CDRRMO napakyas pagduso og mga dukomento aron basehan sa maong lakang.

Si City Administrator John Yre delos Reyes niangkon nga siya mismo wa makadawat og report gikan sa pangulo sa buhatan nga si Christopher Estrabon busa iya kining gimandoan.

Si Mayor Johnny V. delos Reyes (JVR) ug city administrator unang nipasangil ni Konsehal Danny Caballero nga nipugong sa maong deklarasyon.