ANG Maria Montesso­ri In­ternational School (MMIS) mo­pahigayon sa ilang ikapitong edisyon sa MMIS Fun Run kansang katuyoan mao ang pagtabang sa mga biktima sa bagyo.

Gipaabot nga 2,000 ka mga runners ang mosalmot sa maong lumba nga manukad diha sa Armed Forces of the Philippines (AFP) Central Command sa Barangay Apas nga mosugod sa alas kwatro sa hapon ugmang adlawa.

“There’s a lot of first for us this year. This will be the first time that we will hold the event in the afternoon and at Central Command. This is also the first year that we have a beneficiary,” matod sa school director nga si Mia Villamor-Young atol sa press conference kagahapon.

Ang tanang makita sa fun run idonar sa mga nabiktima sa bagyong Nina sa Camarines Norte ug Camarines Sur.

“The run is conducted to establish camaraderie among the students, teachers, parents, faculty members and alumni of MMIS,” padayag usab ni MMIS Principal Dr. Benito Sotto.

Ang maong kompetisyon eksklusibong salmotan sa mga estudiyante, mga ginikanan, maestra ug alumni sa MMIS.

Kini langkuban sa 5-kilometer, 3 kilometer ug 1 kilometer nga mga kategoriya.

Ang race director nga si Joel Juarez sa Coco Running mibutyag nga ang cash prizes mahitapon ngadto sa nanag-unang tulo ka mga runners sa tanang kategoriya.

Samtang ang PTA president nga si Farrah Beuken mibutyag nga ang mga estudiyante ug ginikanan sa Gorordo ug Talamban campu ang miitsa usab sa ilang suporta sa maong kalihukan nga gisugdan niadtong 2010.