LAING duha ka miyembro sa New People's Army (NPA) ang boluntaryong mitahan sa mga sakop sa 57th Infantry Battalion (IB) sa 10th Infantry Division sa Philippine Army.
Giila ang mga mitahan nga sila Roger Antipuesto, alyas Jess ug Ryan Calio, alyas Bunso,
Ang pagtahan gihimo samtang nagpatrolya ang militar sa Barangay Sallab, Magpet, North Cotabato alas 12:15 sa kaadlawon niadtong Hunyo 3, 2015.
Si Roger nagdala og M16 rifle nga dunay magazines ug 250 rounds sa bala sa M16.
Atol sa interbyu, si Roger mitug-an nga siya ang squad leader samtang si Ryan mao ang medical aid ug supply in-charge sa Southern Mindanao Regional Committee sa Communist Party of the Philippines, New People's Army, National Democratic Front.
Ang duha gipailawom sa interogasyon sa headquarters 57th IB.
Ning Hunyo 3, 2015, dunay 79 na ka mga NPA ang mitahan sa nagkadaiyang yunit ilawom sa Eastern Mindanao Command samtang ang 38 ka NPA dunay warrant of arrest gikan sa nagkadaiyang korte sukad Enero 1, 2015. (AD)