MANTICAO, Misamis Oriental -- Gipasidunggan sa kagamhanang lokal ning lungsod ang mga kanhi mayor alayon sa pagsaulog sa ika-68th Founding Anniversary sa munisipyo niadtong Pebrero 7.
Sa napulo ka mga kanhi mayor, si Lilith Jabla lamang ang personal nga midawat sa gi-andam nga plake, nga personal gitunol ni Mayor Antonio Baculio ug Vice Mayor Stephen Tan.
Si Jabla kasamtangang konsehal sa lungsod.
Ang ubang mga plake, gidawat sa ilang mga anak sama ni kanhi Mayor Eliezer Caballero nga gidawat ni Gigi Maquinto nga kasamtangang konsehal sa Manticao.
Matud pa ni Mayor Baculio nga mihatag ang iyang administrasyon og plake ngadto sa mga nakalabay'ng hepe ehekutibo tungod kay nakit-an sa iyang liderato ang ilang mga paningkamot alang sa kalamboan sa lungsod.
"We honor them for their generous committment of time, support and inspiration thru his leadership of this town, worthy to emulate of our youth," miingon si Baculio.
Sa Manticao, nahimong mayor sila si Laureto Talaroc, Sr. niadtong Pebrero 7, 1949 hangtud Disyembre 30, 1951, Alejandro Uy, Sr., Disyembre 30, 1951 hangtud Septembre 16, 1967 ug Abril 4, 1979 hangtud Marso 30, 1980, Lucresio Jabiguero, Septembre 16, 1967 hangtud Disyembre 30, 1967 ug Eugenio Alcido, Disyembre 30, 1967 hangtud Abril 3, 1979.
Ang ubang nakalabay'ng mga mayor mao sila si Advenigo Talaroc, Marso 3, 1980 hangtud Mayo 14, 1986, Paquito Anggot, Disyembre 31, 1987-Hunyo 30, 1988, Jezelindo Orong, Mayo 15, 1986 hangtud Disyembre 1987 ug Hunyo 30, 1988 hangtud Hunyo 30, 1995, Caballero, Hunyo 30, 1998 hangtud Hunyo 30, 2001, Jabla, Hunyo 30, 1995 hangtud Hunyo 30,1998 ug Hunyo 30, 2001 hangtud Hunyo 30, 2004; ug Roberto Lagrosas, Hunyo 30, 2010 hangtud Hunyo 30, 2016.