DEAR Tita Heart,

Ako diay si Shiela, naa koy bf tita unya love kaayo nako pero dili man siya dawat sa akong parents. Gusto nila ipabulag mi pero dili siya mosugot. Unsa akong dapat buhaton tita? Sundon ang akong parents o padayunon ang among relasyon? Please tambagi ko tita.

Shiela

*****

Hello Shiela,

Murag lisod gyod magdesisyon labina nga pulos importante alang kanimo ang gipilian. Parents knows best para sa ilang anak mao na ang sagad nga panultion. Siguro mao gusto sa imong ginikanan nga bulagon mo kay adunay apan ilang nakita sa imong uyab. Basin man gud wala nagskwela ug nagtambaya lang. Walay insaktong trabaho o bisyoso ba kaha.

Daghan rason nganong modili ang mga ginikanan kay sila gahimo na ug kaugalingon nga imbestigasyon kung kinsay karelasyon sa ilang anak ug dili nila gusto nga mopaingon ka sa tao nga ilang gihuna huna dili ka mapapanindigan. Basin pod early pa kaayo sa imong edad ang mag-uyab uyab.

Ikaw ra gyod ang makadesisyon pero alang kanako paminawa imong parents.

Tita Heart