NAPALGANG' naghayang ug wala na'y kinabuhi ang usa ka lalaki kinsa gituohang' gi-urom kagahapon sa buntag sa San Lazaro, Agora, Lapasan, dakbayan sa Cagayan de Oro.
Patay si Daniel Mapalad, temporaryong' nagpuyo sa nahisgotang' dapit apan lumad kini nga taga Bohol.
Sa pakighinabi sa Sun.Star Superbalita ngadto sa bilas niini nga si CN Maraginot, diin maoy nanag-iya sa maong panimalay, nasayran nga wala pay tuig nga nagpuyo kanila ang biktima.
Giingong kanunay kini nga mahubog gumikan na usab sa problema niini sa pamilya, diin mokabat na ngadto sa upat ka tuig nga bulag sa asawa.
Nasayran nga niadtong gabhiona grabe ang kahubog sa biktima ug nauli mga ala 1:00 sa sayong kaadlawon gani nakita pa niini nga gikuot ang iyang alingagngag aron kini makadigwa ug gikabutyag nga gahuot na niadtong higayona ang dughan niini.
Hugot usab nga nagtuo ang pamilya sa biktima nga giurom ang biktima tungod na usab kay walay nakitang samad sa patay nga lawas niini.
Sa pagsulat niini nga balita ang patay nga lawas sa biktima gitakdang ipahiluna sa usa ka punerarya ning dakbayan.