GIKILATAN sa Oklahoma City Thunders ang Cleveland Cavaliers agi sa 118-109 nga kadaogan atol sa NBA regular season niadtong Biyernes, Pebrero 9, sa Chesapeake Energy Arena, home sa Oklahoma.
Nitala og triple-double si Russell Westbrook agi sa 29 puntos, 12 rebounds ug 11 assists, samtang nibira og double-double si Steven Adams agi sa 20 puntos ug 13 rebounds.
Napugngan sa Thunders ang mga hulga sa Cavaliers matag dikit nila sa dula. Nag-abot sila og tabla sa 67-tanan, apan nihinay-hinay og distansya ang Thunders.
Didto nakakuha ang Thunders og hustong buylo pagbinat nila sa ilang kinataas nga labaw nga 12 puntos, 118-106, sa 38 segundos nabilin sa dula.
Usa sa nagpasilyo sa dula mao si Victor Odipo agi sa iyang turnaround lay-up ug usa ka tres pagsirit sa Thunders ngadto sa kadaogan.
Naputol karon ang winning streak sa Cleveland Cavaliers diin nitala sila og upat ka sunod-sunod nga daug niagi.
Pabilin lang gihapon ang Cavaliers sa unang pwesto sa eastern conference nga adunay 36-16 win-loss record.
Ang Thunders naa sa ika-pito sa western conference nga adunay 30-23.