DILI malalis nga usa sa mga bangiitan nga pointguard si Paul Lee. Modepensa og husto ug moatake sa sulod ug gawas.
Niadtong Huwebes sa gabii, Pebrero 9, gipakita na ni Lee pagsakwat niya sa iyang star hotshots agi sa 78-74 nga kadaogan batok sa Barangay Ginebra sa Game 1 sa ilang best of seven semifinals sa PBA Philippine Cup.
Nibida si Lee agi sa iyang 18 puntos labina pagkonektar niya og three-point bomb sa tres minutos nabilin sa kataposang kwarer diin nahimong susi sa ilang kadaogan.
Sundan pa gayud ni Lee ang eksklamasyon agi sa iyang mantas nga turnaround hook shot sa 24 segundos nabilin diin nalutsan niya ang tulo ka defenders sa Ginebra.
Gani, dehado ang Hotshots sa kadagko ug katag-as batok sa Ginebra Kings.
Dili lang gayud makakita og solusyon ang Kings pagluag sa ilang opensa diin nakita nako nga gasalig sila kang LA Tenorio nga buhaton na. Apan, palong si Tenorio sa Game 1 diin limitahan lang siya sa walo ka puntos.
Hinuon sayo pa ang tanan ug aduna pa'y kwarto niana alang sa Ginebra para maka-adyas.
Dako pa ang kausaban kon makadula na si Joe Devance gikan sa injury.
Gani, nakasuot na to' si Devance sa Game 1 apan naniguro lang si coach Tim Cone para maayo og dako ang iyang injury.