ANG 80th Araw ng Dabaw Cycling Competition andam na nga mosikad sa Marso 25 didto sa Moto-X Farm sa Barangay Langub ning dakbayan sa Davao.

Matud ni Philcycling Deputy Secretary-General for Mindanao Salvador “Jun” Paholio, atol sa Davao Sportswriters Association (DSA) Forum niadtong Huwebes, Pebrero 9, didto sa NCCC Mall Food Cove function hall, nga kini mahimong preparasyon alang sa Philippine National Games ug 2017 Batang Pinoy National Championships.

“We made it a free-registration event para sa mga bata nga nag-perform sa Batang Pinoy National Championships sa Tagum kay kita man daghan og medalya,” matod ni Paholio.

Apan niya pa nga ang mga moapil kinahanglan mopasa na sa ilang requirements sa Lunes, Pebrero 13, isip deadline.

Ang kategorya sa lumba sa road bike ug mountain bike mao ang 19 and under, boys 15 and under, boys 13 and under ug ladies open.

Dugang ni Paholio nga BMX event mahimong eklusibo una alang sa boys 13 and under riders.

“Di pa kasi siya ganun ka expose, kaya maliit lang ine-expect na participants.” dugang niini.

Ang tulo nga manguna sa matag kategorya makadawat og P3,000, P2,000 ug P1,000.