ANG Globe Telecom nitapos sa tuig 2016 uban sa taas nga hiniusang kita sa iyang mga produkto ngadto sa P120.0 billion, nalabwan ang rekord sa miaging tuig nga P113.7 billion nga mas taas og 6%.
Sa pagduso sa iyang core net profit niabot sa record high nga P16 billion, mas taas og 6% sa year-on-year (YOY) gikan sa P15.1 billion.
Nasustiner ang iyang pagtaas bisan sa grabe nga kompetisyon sa merkado sa ikaduhang tunga sa tuig 2016, kini tungod sa solidong pagtubo sa data-related products ug pagtaas sa subscriber sa mobile ug broadband.
Gisuportahan kini sa padayong pagtamod sa taas nga kalidad sa matag produkto nga gilusad sa miaging tuig uban sa pagpalambo sa network.
“Notwithstanding the heightened market competition in 2016, we ended the year on a high note, marked by all-time high quarterly and full year revenues, and record-level EBITDA. Our sustained growth momentum is evidence of the underlying strengths of our superior products and services and our conscious effort to create wonderful experiences for our customers,” matod ni Globe President & CEO Ernest L. Cu.
“As we move forward in 2017, we are optimistic that we will maintain our growth trajectory as we continue to strengthen our leadership in the digital space, through the use of innovation and partnerships with global content providers,” dason niya.
Ang kita sa mobile nitubo og gamay sa P91.9 billion gikan sa P91.2 billion sa 2015. Nabira sa pagdayong pagbalhin gikan sa core voice ug SMS ngadto sa data human kadaghanan sa Globe customers nisagop sa digital lifestyle.
Ang TM, mass-market brand sa kompaniya, nitala og 3% nga tubo sa kita, samtang ang Globe Postpaid nga kita nitala og gamay nga 1% nga paglambo gikan sa 2015, tungod sa pag-offset sa kita sa Globe Prepaid, nga nitala og YOY nga pag-ubos.
Sa pagtapos sa Disyembre 2016, ang Globe Telecom’s mobile subscriber base niabot na og 62.8 million, taas og 12%.
Sa pagkakaron, ang mobile data maoy labing dako nga tampo sa kinatibuk-ang kita sa kompaniya nga 38%, naapsan ang voice nga 37%. (PR)