ARON kahatagan sa in­­­­saktong pagpangandam, sugdan karong Marso 27 hangtod sa Abril 2 ang pagpangrehistro sa ti­nuig nga Sunsport Basketball Training Camp 2017.

Kini maoy gipahibawo sa beteranong coach ug training specialist nga si Jojo Romarate, kinsa mao usab ang training director sa maong camp nga ipahigayon diha sa Sacred Heart Center Sports Club nga nahimutang sa dalan D. Jakosalem, dakbayan sa Sugbo.

Sa kantidad nga P1,300 isip registration fee, gawas sa iyang makat-onan, ang rehistrante aduna usay makuha nga jersey, bola, shoe bag ug t-shirt.

Ang training camp nga ipahaom alang sa nga nagpangidaron og siyete anyos ngadto sa 19 an­yos nga bahinon ngadto sa duha ka sessions, ipahigayon matag Lunes hangtod sa Biyernes sugod sa Abril 3.

Sa nagpangidaron og 7-11 anyos, ang session mosugod sa alas otso hang­tod sa alas 10 sa bun­tag samtang mosunog gilayon ang nagpanuigon og 12 ngadto sa 19 anyos nga motapos sa alas 12 sa udto.

Motapos ang level 1 sa Abril 28 ug ang second level moabli sa Mayo 1 hangtod na sa Mayo 26.

Si Romarate miawhag niadtong interesado sa pagtawag o text sa ilang buhatan sa numero 345-1015 o 0923-869-7421 alang sa kompletong nga mga detalyi. (PR)