UPAT ka mga sibilyan ang giingon nga gi-kidnap sa rebeldeng New People's Army (NPA) sa Agusan del Sur ug Compostela Valley Province niatong Pebrero 5 ug Pebrero 8 ning tuiga.

Ang monitoring sa 10th Infrantry Division sa Philippine Army nagpahibalo nga upat ka mga sibilyan nga gilangkuban sa opisyal sa barangay, usa ka asawa sa Trento, Agusan del Sur; ug mag-amahan sa Maco, Compostela Valley ang gidagit.

Sa report sa 25th Infantry Battalion, ang biktima sa lungsod sa Trento mao si Barangay Pangyan Kapitan Rene Carlos ug asawa niini nga si Maribeth Carlos kinsa giingong gi-hostage sa NPA.

Sa laing taho gikan sa 71st Infantry Battalion, usa ka Jun-jun Custodio ug iyang anak nga si Marjun ang gibihag sa grupo ni alyas Mokloy, team leader NPA Milisya ng Bayan sa Barangay Malamudao, Maco, Compostela Valley Province.

"The NPA abducts innocent civilians to use as human shields," sulti ni Brigadier General Macairog Alberto, commander sa 1001st Infantry Brigade.

"The NPA is being used by their communist leaders as instruments of their propaganda, to the extent of using them to sow fear among the innocent civilians,” dugang ni Alberto.

Hinuon, ang NPA wa pa nagpagula og pamahayag sa giingon nga pagpangdagit. (Jeepy P. Compio)