PAGASAULUGON ugmang adlawa ang Valentine’s Day, ang adlaw sa gugma ug sa mga naghinigugmaay. Ginaingon nga love makes the world go round. Mao tingali kana ang hinungdan nga mokalit lang og lingin ang tiyan sa babaye.
Apan kumusta man ang love life sa mga Pinoy? Sumala pa sa uahing survey sa Social Weather Stations (SWS), 55 porsento sa mga Pinoy niingon nga malipayon ang ilang love life. Sa ato pa wa sila kusu-kusoa sa unos sa kinabuhi.
Matag karon ug unya dunay dautang panahon nga mohudlat sa kinabuhi. Apan usahay mao kini ang makapalig-on sa usag-usa.
***
Sa samang survey, 44 porsento sa mga Pinoy niingon nga posible nga mahigugma sa sobra sa usa ka tawo. Dinhi na mogawas ang ikaduha, ikatulo, ikaupat ug uban pang mga bathala.
Mao kana nga kon magpa-ila-ila sa kapikas sa kinabuhi moingon dayon bga mai kini ang akong “one and only.” Pero ang uban mosumpay og “the following are.”
Ang uban ipaagi lang sa kanta nga “Ikaduhang Bathala” ug sa Tinagalog nga “Sana Dalawa ang Puso Ko.”
***
Apan sumala pa sa maong survey, dunay 14 porsento sa mga Pinoy nga zero ang love life. Wa gyud. Solo lang. Sa choir pa, soloist.
Apan wa kini magpasabot nga di sila malipayon. Tingali lahi lang ang tinybdan sa ilang kalipay. Sama sa akong higala nga niingon kanako nga usa siya ka “bisexual.”
Iyang giklaro nga di siya mopatol sa babaye ug lalaki. Ang iya diay, “buy sexual.” Kon magkinahanglan, mopalitl lang og kinilo.