MISIAW pagbalik ang kalihokan sa ilegal nga druga sa Barangay Tangke, dakbayan sa Talisay.
Kini maoy gibutyag ni Supt. Emerson Dante, hepe sa Talisay Police Station.
Matod ni Dante, human mihunong na ang kapulisan sa pag-operate sa ilegal nga drugas, iyang namatikdan nga nibalik na usab ang mga ilegalista.
Usa sa iyang nakitang timailhan mao nga daghan na usab ang magmotorsiklo nga mosulod sa Tangke.
Nagkanayon si Dante nga lisod tuohan nga pulos kini mga drayber sa habalhabal human mo-park gyud lugar.
Gumikan niini, si Dante nipahibawo nga ilang gihingusgan ang Oplan Sita, diin kadtong mga motorista maoy ilang sitahon kon walay saktong dokumento sa pagmaneho sa motorsiklo.