NABIRA sa Misamis Oriental General Comprehensive Highschool ang ilang ikaduhang sunodsunod nga daug human gipilde nila ang Bulua National Highschool, 44-32, atol sa 1st Cagayan de Oro Inter-Public School Basketball League ladies division niadtong Sabado, Pebrero 11, didto sa West City Central School covered courts.
Suprisang nangulo si Maria Shanelle Estrada sa Mogchs lady Cavaliers agi sa 12 puntos ug unom ka rebounds sa dula.
Wala kaayo niarte ang bitoong saligando sa Mogchs nga si Honey Janubas apan dako kaayo siya og pagsalig sa iyang mga kauban.
Nangulo sab si Mar En Aslon sa Bulua NHS agi sa iyang 14 puntos. Sa highschool boys division, gipilde sa Iponan National Highschool ang East Gusa National Highschool sa iskor 48-44. Giparot sa Bulua NHS ang Mogchs Cavaliers sa iskor 37-34.