SUBLING mopahigayon og usa ka disaster awareness activity sud sa University of Science and Technology of Southern Philippines (USTP) karong Lunes, Pebrero 13, human ma bahaan kini kaduha ka higayon niadtong Enero.

Gimugna pinaagi sa nag sponsor nga Talk N Text, giimbitar ang mga personahe sa City Risk Reduction Management Office sa dakbayan sa Cagayan de Oro aron mohatag ug dugang kaalam ingon man paginumdom sa mga estudyante, magtutodlo ug trabahante sa USTP (kanhing gi nganlan nga Mindanao University of Science and Technology).

Gilauman nga human ani nga panagtapok, ma bisitahan pa usab ang mga lakang sa disaster preparedness aron malikayan ang subong epekto sa baha.

Sa duhang managlahing adlaw, nakasinati ang tulonghaan og baha. Una niadtong Enero 16 ug ikaduha niadtong Enero 28.

Apan labihang delikado niadtong Enero 28 nga natunong og Lunes, gumikan kay mokabat sa dili mo ubos og 1,000 ka nga estudyante, magtutodlo ug trabahante ang na stranded sa baha nga moabot kutob sa liog.

Kapin alas-6 sa buntag na sa Enero 17, na rescue sila human mihinay na'g kunhod ang tubig baha.