Tambagi ko Noy Kulas: Bayot ko o lalake?

Dear Noy Kulas,

Magpatago ra ko sa name nga Kards kay mauwaw ko mahibaw-an sa akong mga barkada. Estudyante pa ko sa high school kay 16 years old pa ko.

Kining akong problema parte ni sa akong pagkala­lake. Bitaw, naglibog ko kon babaye ko o lalake. Lalake ko manglihok, sinultihan ug uban pa. Gawas lang sa sexua­lity tingali kay ganahan ko og lalake. Maglain ang akong lawas basta madapat ko sa akong mga barkada o kanang mangaligo mi sa dagat.

Pero makalibog, Noy, kay maibog ko og babaye. Naa koy uyab gani karon. Ikatulo na ni nakong nauyab.

Way lain nakahibawo aning akong pagkatawo, Noy, ako ra kay mauwaw ko sa akong pamilya ug mga friends. Ngano kaha nga naingon ani man ko? Bayot kaha ko o lalake? Unsa may imong tan-aw, Noy?

KARDS

Kards,

Sa adolescent period, di na ikahibung kay dunay mga higa­yon nga mag-identity crisis ang usa ka tawo tungod sa paspas nga mga kausaban sa lawas. Mao na nga dunay uban matawag nga na-bisexual makadiyot kay naibog sa lalake ug babaye.

Kon di ka gustong mabayot, ayaw sige og kuyog og mga babaye kay sa ngadto ngadto, maka-influence na sa imong sexual orientation. Kon di ka pa bayot karon, basin madayunan ka. Kay diha koy schoolmate sa una nga di pa bayot. Sagad lagi sa among mga kauban, babaye. Ang ratio is 6 to 1 kun unom ka babaye batok sa usa ka lalake. Iyang gibarkada mga babaye. Pag graduate namo, nabayot siya. Niangkon siyang wa siya makahibawo nganong naingon siya niadto. Sa ani nga hitabo, dunay factor ang environmental influence.

Sa pagkakaron, ayaw kahibung. Kon lalake gyud ka, maulian ka ra unya sa later part sa imong adolescent period.

NOY KULAS

(Alang sa imong problema, e-mail sa kulassuper@sunstar.com.ph ug rojval69@yahoo.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph