ANG tulo ka adlaw nga dakong kalihukan sa Simbahang Katoliko ipahigayon sa Redemtorist Church sa dakbayan sa Sugbo sugod karong Pebrero 16 hangtud 18 ning tuiga atol sa pagsaulog sa ika 150 ka tuig nga pagtugyan sa Our Mother of Perpetual Help niadtong tuig 1866 sa mga Redemptorist nga mga missionaryo aron sa pagsangyaw ug pagpaila sa tibuok kalibutan.
Si Fr. Glenn Tito Pascual, chairman executive committee nagkanayon nga tungod sa maong kalihukan ang Redemtorist Church dinhi sa Pilipinas aduna silay mga namugna nga mga nagkalain-laing mga congreso gani niadtong Hulyo 2016 sa Lipa alang sa Luzon congress ug pagka Septiyembre 2 and 3 gipahigayon sa Davao alang sa Mindanao Congress ug una kini nga ipahigayon dinhi sa Sugbo alang sa Visayas Congress.
Salmotan kini sa mga delegado gikan sa mga nagkalain-laing devotees sa Visayas.
Dugang ni Pascual nga ang katuyo-an sa maong kalihukan mao ang pagpaila sa mahal nga Berhin Maria sa katawhan ug madugangan ang devotees niini.
“... every devotee a missionary, because suppose to our devotion to Mary push us to become messionaries, to become sharer’s of God’s mercy,” dugang niya.
Ang mga delegado nga gikan sa mga nagkalain-laing dapit gilaoman nga moabot karong Pebrero 16.
Gibana-banang moabot ngadto sa 700 ka mga participante sa maong kalihukan dinhi sa sugbo ug sa pagsulat niining maong balita aduna na silay registered participant nga 595 ipuno pa ang mga working comittee ug moabot na ngadto sa 630 ka mga delegado ug aduna usab sila’y mga handumanan nga ipang apod-apod sama sa T-shirt apan limitado ra kini.
Miawhag usag sila sa mga intresado nga moapil sa maong kalihukan sa pagbisita ug pag-register sa ilang opisina sa Redemtorist Church, Cebu City tungod kay alang kini sa tanan ug walay bayad ilabina sa mga taga lagyo’ng dapit aduna hinuoy gamay nga donasyon apan wala kini kantidad kon pila.
Sa unang adlaw sa Pebrero 16 adunay optional City tour alang sa Non-Cebu delegates nga magsugod ngado sa Simbahan sa Opon nga Berhin sa Regla tungod kay didto sila nagsugod sa wala pa natukod ang ilang simbahan karon, mobisita usab sa Basilica Menore del Sto. Niño, sa SM City Seaside ug uban pa nga mga dapit sa sugbo.
Sa alas 4:00 sa hapon abli na ang registration alang sa mga Non-Cebu Delegates ug ang welcome mass ni Fr. Nico Perez ug mosunod dayon ang welcome dinner.
Sa ikaduha nga adlaw inig Pebrero 16 registration na alang sa tanan nga mga intresado ug magsugod kini sa alas 8:30 sa buntag ug inig kahuman sugdan dayon ang opening mass ni Most Rev. Oscar Florencio, Auxillary Bishop of Cebu.
Nianang adlawa si Prof. Dale Mansueto nga gikan sa Mindanao State University-Illegan Institute of Technology mopadayag bahin sa “How OMPH Icon Devotion and Novena Began in the Philippines and How it Spread Throughout the Country”.
Mosunod dayon ang testimony sa “Mary in the Life of a Redemptorist Missionary” ni Rev. Fr. Jovencio Ma, Redemptorist Asia-Oceania Coordinator.
Sa ikatulo ka adlaw si Fr. Ramon Echica, SThD, Dean of Studies, San Carlos Seminary maoy mosulti sa “Looking Into Novena Texts” ug mosunod dayon ang testimony ni Mr. Rey Julio Biliran nga ang “The influence of Mary in the life of a teacher-seminarian.”
Sundan kini sa “historico-anothropological perspective of Marian devotion in the Philippines in general and OMPH devotion in particular” nga tuki-on ni Bro. Karl Gaspar.
Sa alas 2:00 sa hapon mosunod ang “Debo(mi)syon nga tukion ni Fr. Ino Cueto sundan sa testimoniya ni Mr. Bob and Mrs. Delia Baniel nga “the story of Mary in our family.”
Sa alas 5:00 sa hapon ipahigayon ang closing mass ni Most Rev. Jose S. Palma, D.D. Archbishop of Cebu. Niño B. Baldevino, USJ-R B.A. Communicaton Intern