Dear Papa Joe,
Tawga lang ko sa ngalan nga Olaf, 24 years old ug undergraduate. Ang akong panginabuhi karon mao ang paghabalhabal. Tungod niini maorag nagmahay ko nganong wa ko kaeskwela og tiwas. Kon arang-arang pa lang ta akong mga ginikanan, siguro engineer na ta ko ron.
Naa gud koy silingan sa amo nga usa ka call center agent. Close mi, grabe among bonding pero wala ko makapadayag niya sa akong gibati kay abi man nako nga MU mi kay feeling nako kami na kay tan-aw sa uban namo uyab mi. Ako ang tighatud kuha niya sa work as in sweet kaayo mi. Ug sa dihang naay bag-ong sulod nga engineer sa ilang engineering department ug nabantayan nako nga nakagusto ni niya.
Wala ko magdahom nga siya sad nakagusto hangtod nga di na siya pakuha nako. Wala ko makasabot pero ako na lang gisabot kay iya mang kalipay. Karon wa na mi kuyogkuyog ug malabyan na lang nako sila nga sila na ang gakuyog kuyog. Palihug tambagi ko unsaon nako pag move on.
OLAF
Olaf,
Kanang pagsabot nimo sa sitwasyon, Dong, kay usa kana sa timailhan nga naka move o mo move on na ka. Iya man nang kalipay ug desisyon niya ang matuman kay di man mo uyab. Basin naghuwat ra sab to siya nga ma formalize ninyo ang inyong relasyon.
Dangog ang kalibutan. Mangita man gani na og lain ang minyo o manang uyab, kamo pa kaha? Ako pa nimo, maninguha ka sa imong trabaho ron unya tigom para makahuman ka og eskwela. Dili pa ulahi ug makakaplag pa ka og lain nga andam modawat nimo sa pagka ikaw. Salamat.
PAPA JOE
(sa inyong tampo ipadala lang sa papajoesuperb@gmail.com)