PABILING limpyo ang baraha sa Rollway-Ryle Trucking human kini maka-ipsot batok sa undermanned JD&M Brokers, 64-60 sa overtime sa nagpadayon nga Aduana Le­gends basketball tournament kaniadtong Sabado sa San Roque gym, dakbayan sa Sugbo.

Sa laing duwa, gipangmakmak sa Canillas Brokers ang Avenido-Caburnay Brokers, 74-51.

Dako unta og kahigayonan nga malabni sa JD&M ang kadaugan sa regulation period, apan ang duha ka sipyat ni Arnold Fuentes sa free throws aoy naghatag og dalan sa Rollway nga makaipsot ngadto sa kadaugan sa overtime.

Ang Rollway naghupot na og 3-0 nga baraha samtang 1-3 ang JD&M.

Sa laing bahin, ang Canillas Brokers aduna nay 4-1 nga baraha samtang ang Avenido-Caburnay mitidlum sa 0-4 nga baraha.

Ang Canillas Brokers ningkontrolar sa duwa ug wala nila tugoti nga makapanghudlat ang Avenido-Caburnay.

Puntos matag usa

Unang duwa

Canillas Broker (74) - Sigue 14, Dela Cewrna 12, Embrado 10, Boniao 7, Monteno 6, Belarmino 6, Abesia 4, Rama 3

Avenido-Caburnay Brokers (51) - Amante 12, Solis 12, Pacatan `11, Respecia 9, Amahit 4, Empleo 1

Ikaduhang duwa

Ryle-Rollway (64 )- Jaca 13, Cena 10, Bacalla 8, Mondin 8, Palad 7, Deniega 6, Garcia 6, Villacampa 4, Petracorta 2

JD&M (60) - Pastor 19, Diano 12, Fuentes 12, Gardi 7, Lambayan 4, Pautan 3. (PR)