MANGAYO og ikaduhang opinyon si Cleveland Cavaliers forward Kevin Love kabahin sa iyang wa nga tuhod nga gi-scan sa miaging adlaw, matod ni coach Tyronne Lue.
Si Love, 28, nakasinati og pagpanakit sa iyang tuhod sa kadaugan sa Cavaliers batok sa Denver Nuggets, 125-109, niadtong Lunes hinungdan nga iya kining gipasusi.
Matod ni Lue nga karong adlawa, moagi og laing medical exam si Love aron susihon pag-usab ang iyang angol.
“Always concerned when guys are going down,” matod ni Lue. “And we’re already limited as it is. Definitely concerned, but gotta see how he feels. Just, get evaluated (Tuesday) and see how he feels.”
Si Love nag-average og 20.0 puntos ug 11.1 rebounds, nga numero nga lisodlisod tapakan alang sa Cavaliers.
Gilaumang si Channing Frye maoy temporaryong mohulip sa luna ni Love sa starting five.
Karong adlawa, si Love dili makaduwa batok sa Minnesota Timberwolves ug gilaumang moabot hangtod karong Pebrero 23 ang iyang pagpaalim. AFP/ESL