ORMOC CITY, Leyte - Gipahugtan karon sa kasundalohan sa 802nd brigade ang seguridad sa ilang area of jurisdiction.

Kini human sa nahitabong engkwentro sa 78th Infantry Battalion sa Philippine Army ug mga gituhoang sakop sa New Peoples Army (NPA) sa Albuera, Leyte sa miaging semana.

Matod ni Capt. Jose Galope, spokesperson sa 802nd brigade, mas gipa­kusgan nila ang pwersa sa mga vital installion.

“Mas mahigpit yung seguridad sa mga vital installations kasi ang mga vital installations ang target nila,” matod ni Galope.

Gawas sa kasundalohan, nakig-uban usab ang Philippine National Police sa pag-secure sa lugar.

“Wala naman tayong natanggap na lead or any info na gaganti sila, pero patuloy tayong naka-alerto sa posibilidad,” dugang ni Galope.

Matod ni Galope nga hinay hinuon ang pwersa sa NPA sa Leyte kun itandi sa Mindanao nga tua nanghasi ang grupo.

Giseguro sa kasundalohan nga igo ang ilang pwersa ug mga gamit sa pagbantay sa ilang hurisdiksyon.