MGA nag-operate og ilegal nga swertres sa dakbayan sa Talisay inihap nalang ang mga adlaw tu­ngod kay rondahan na una kini sa kapulisan sa dili madugay.

Si Supt. Emerson Dante hepe sa Talisay Police Station miawhag niadtong mga illegal operator sa swertres mohunong na sa ilang kalihukan aron dili sila rondahon sa mga pulis.

Si Supt. Dante, nibutyag nga bisan og wala pa sila pugngi nga maka-operate sa illegal nga drugas silang kapulisan wala usab mohunong paghimog operasyon sa ilegal nga sugal.

Gibutyag ni Dante nga nakadawat siyag memo­randum gikan sa ilang ulahang buhatan sa pagpasira sa ilegal nga swertres tungod kay wa kini sila giila sa Philippine Charity Sweepstakes Office (PCSO).