UNSA man ni akong magadunggan nga adunay mga coach nagahugpong aron kontrolon ang mga torneyo dinhi sa lokal.
Sumala sa naghatag kanako og impormasyon, morag rebolto naman kini aron ang mga organizers ug sponsors mangluhod kanila.
Matod sa nagsumbong nga dili gusto magpaila, dili nila ipa-apil sa mga gitumbok nga coaches ang ilang mga estudyante sa partikular nga torneyo. Tsk. Tsk. Tsk. Mga kalay.
Kung ingnani man ang patakaran sa inyong pagdumala sa pagtudlo, dili kaha matakdan ang inyong estudyante magdumot?
Ika-duha, galisod na gani ang chess community pangita og sponsor dugangan pa og salikway.
Gikan na ako anang panahona nga dumot-dumot ug dili gapang-apil sa torneyo sa usa ka partikular nga organizer, apan dili gayud diay maayo.
Dumduma, halosa kitang tanan dinhi sa lokal gadayo sa laing lugar aron modula. Risgo pa gyud labina nga dili maayo ang tratar tali sa Armadong Kusog sa Pilipinas ug New People's Army.
Kon adunay kasakit sa usa partikular nga tawo, ihilom kana apan ayaw tandoga ang garbo kay mapalong atong kalaboan sa chess dinhi.
Kana sab kon magpahigayon kamo og daghang torneyo kay aduna mo'y rason nga mokomento. Ug, maayo unta mamilyonaryo kamo sa pagabuhaton.
Pagsabot sab panalagsa ug hinaut dili tinuod ning akong nadunggan.