SMC-SAC Awards, Marso 7

IPAHIGAYON sa Sports­writers Association of Cebu ang tinuig San Mi­guel Brewery-SAC Sports Awards karong Marso 7 sa SM City sugod sa 2:00 ang takna sa hapon.

Nagpatong sa ilang ika-35 ka mga tuig, ang SAC mohatag og mga pasidungog sa mga atleta sa Sugbo nga nakahatag og dungog sa mga Sugbuanon sa tuig 2016 diin mingbida sila si Olympian Mary Joy Tabal, Filipino longest reigning world boxing champion Donnie Nietes ug Philippine Basketball Association (PBA) 3-time MVP June Mar Fajardo.

Si Nietes, kinsa nagkampanya na sa light flyweight division, maoy labing unang atleta human sa dugay na’ng panahon nga ihiluna sa SMB-SAC Hall of Fame. Si Nietes kanhi Athlete of the Year ug kanunay’ng awardee sa boksing.

“To put Donnie’s achievement in perspective, some of our members were not yet sportwriters when Donnie first won his title and some of his fellow awardees have yet to learn to walk,” batbat ni SAC president Mike T. Limpag.

“This is our way of thanking him for all those years of putting Cebu sports in the limelight. Aside from being a champion, he is a humble human being, a perfect example for other athletes, not just boxers, to follow.”

Si Tabal, kinsa maoy Athlete of the Year sa miaging tuig, pasidunggan isip labing unang Cebuana nga maratho­ner nga naka-qualify sa Olympics.

Samtang si Fajardo, kinsa sakop sa San Miguel Beermen, pasidunggan isip labing unang magduduwa nga nahimong MVP sulod sa tulo ka sunodsunod nga mga tuig.

Ang ubang major awardees ning higayuna mao sila si Samantha Limos (athletics), Rogelio Miguel Tremedal (archery), Johnreil Casimero (boxing), Marlon Tapales (boxing), Milan Melindo (boxing), Josephine Teria (bodybuilding), Jerish Velarde (chess), Weiwei Gao (golf), Lloyd Jefferson Go (golf), Niel Francis Palomares (gymnastics), Kiyomi Watanabe (judo), Rafael Vidal (karatedo), Rheyjey Ortueste (sepak takraw), Paul Jumamil (triathlon), Gretchel Soltones (volleyball) ug Glen Lava (taekwondo). (Gikan sa pooled report)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph