GIHINAYON gyud sa Department of Public Works and Highways ang pag-demolish sa mga panimay ilawom sa Mananga Bridge kagahapon sa buntag.
Apan si Mayor Eduardo Gullas personal nga mibisita sa DPWH 2nd District aron hangyuon nga ihunong ang demolition samtang wala pa maandam ang ilang relocation site.
Si Engr. Jorge Laroa nibutyag nga miuyon ang mga mulopyo sa lugar sa pag-demolish sa ilang mga panimay kini aron mapadayon na ang retrofitting projects kon pagpalig-on ilawom sa tulay ilabi na sa haligi.
Matod ni Laroa nga sa pagkakaron ang ilang giayo mao ang ika-unom ug ika-pito nga haligi hinungdan nga adunay dili moubos 16 ka mga balay ang ilang gub-on.
Samtang dili usab mahimo nga malangay ang ilang proyekto nga ipatuman niadto pa untang Oktobre ug karon nga maayo ang panahon kinihanglang ilang paspasan ang pagtrabaho.