City Hall mo-ebalwar sa mga tanod, loader: mayor

UNSAY rason nganong gihunong ni Mayor Tomas Osmeña ang pag­hatag og cash incentives matag buwan ngadto sa mga garbage loaders ug barangay tanods?

Si Osmeña nagkanayon nga giwagtang niya ang honorarium sa libuan ka mga barangay employee gikan sa 80 ka barangay gumikan sa iyang nahibaw-an nga adunay wala naghimo sa ilang trabaho.

“We are in the process of cleaning the whole thing. There are many loaders that don’t load and there are many tanods don’t do anything. But I want to make it clear in the outset that we are not obligated them anything,” pa­sabot ni Osmeña.

Ang mayor niisyu og memorandum alang sa pormal nga pagputol sa ilang tag P4,000 nga binuwan nga cash incentives sukad niadtong Pebrero 1 sa rason nga nagkuwang ang pundo sa City Hall.

Si Kapitan Phillip Zafra sa barangay Tisa ug presidente sa Association of Barangay Councils, nakurat dihang iyang nahibaw-an ang rason ni Osmeña sang­lit di kini maoy iyang nasayran.

“Nahingangha ta kay ang nadawat nato nga memorandum nga dili siya mohatag og counterpart isip suholan ngadto sa kawani sa barangay specifically sa tanod ug loaders tungod kay wala nay budget,” tug-an ni Zafra.

“Its hould be done by the barangay captain (dili siya) because we are duty bound to oversee the performance of our barangay. Dako kaayo ni og tabang (honorarium) sa empleyado sa barangay unya eventually kon putlon ni ang maapektuhan di lang empleyado kon dili ang batakang serbisyo sa barangay sama sa pagkagrabe na unya sa pro­blema sa basura,”dugang ni Zafra.

Si Konsehal Raymond Garcia, chairman sa committee on laws sa Konseho, di mosugot nga hikawan sa mayor ang ordinaryong mga empleyado sa barangay sa insentibo nga para kanila.

“Lisod na kaayo na buhaton niya, I will question that when the proper time comes kay naa naman na sa budget ordinance, tanods, garbage collectors for 2017. He cannot do that nga dili niya ihatag,” dugang ni Garcia.