ANG National Basketball Training Center (NBTC) Davao High School basketball tournament duna nay final four.
Ang semifinals himuon karong Sabado sa Ateneo de Davao University (AdDU) Martin Mall.
Ang defending champion nga Assumption College of Davao (ACD) Warriors makalaban ang Cor Jesu College (CJC) of Digos, ala 1 sa hapon samtang ang AdDU moduwa batok Holy Child College of Davao (HCCD) alas 2:45 sa hapon.
Matud ni ACD head coach Rollie Sancho, sa Facebook chat sa SunStar Davao, miingon nga ang CJC dunay height advantage apan di sila mohunong sa ilang transition offense.
"We will try to challenge 'yung mga shooters nila para at least may laban kami," ni Sancho.
Di sab makasiguro si Sancho kung ang ACD-Addu mag-atbang sa finals diin ang CJC ug HCCD kusog sab nga kalaban.
Ang tim Ford Academy of Arts, Holy Cross of College of Sasa, University of Immaculate Concepcion, Davao Jones Academy, F. Bustamante National High School, Jose Maria College, Daniel R. Aguinaldo National High School, Agro Industrial Foundation College ug Emar Human and Environmental College una na natagak sa torneyo. (Adam B. Morrell)