GIPASALIG sa Davao Light and Power Corporation nga walay mahitabong pagkapawong sa sugang dagitabnon panahon sa summer.
Si assistant vice president for Reputation Enhancement Division Rossano Luga sa paghinabi sa mga tigbalita Miyerkules, Pebrero 15, nagsulti nga sa pagkakaron, ilang nakita ang problema sa kakuwang sa kuryente sa sunod nga mga bulan.
"We do not see power shortage situation to occur during the summer months compared to 2016, and few years before that we experience acute power shortages. In 2017, we do not see rotational brownouts to occur in the franchise areas," pagtin-aw ni Luga.
Dugang pa niya nga ang suplay sa kuryente igo kaayo nga matubag ang 371 MW peak demand sa mga lugar sa ilang prangkisa.
Samtang gibutyag ni Luga nga ang National Power Corporation (NPC), Therma South Inc. (TSI), Southern Philippines Power Corporation (SPPC), Therma Marina Inc., Hedcor Sibulan ug Hedcor Talomo naghatag og kuryente kapin sa "peak demand".
Giesplikar ni Luga nga ang nasinati nga pagkapawong sa sugang dagitabnon niadtong Dominggo, Pebrero 2, tungod sa hanging Amihan. (Karina V. Cañedo)