GIKASAKIT sa usa ka bana human nga nakita niini ang hulagway sa asawa ug bag-o niini nga hinigugma diha sa social media atol sa kasaulogan sa Valentine’s day.

Ang bana nga nagpakitabang nailang si Florante (bansagon gitago), 30, minyo ug residente sa Wao, Lanao Del Sur samtang ang asawa nailang si Lily (dili tinuod nga ngalan), 29 kinsa kasamtangang nanimuyo sa San Lazaro, Barangay Lapasan ning dakbayan sa Cagayan de Oro.

Sa nahipos nga impormasyon gikan sa Police Station 3 sa Agora gikabutyag nga nagpakitabang ang biktima human nga wala na makaagwanta sa gibati niini nga kasakit sa gihimo sa mismo niini nga kapikas sa kinabuhi.

Giingong gibiyaan kini sila sa iyang anak sa wala’y igo nga hinungdan mao nga dako ang pagduda niini nga aduna na kini lain nga gihigugma.

Nakumpirma usab niini nga giilisdan na kini sa dihang nakita sa social media ang hulagway sa asawa kauban ang laing lalaki nga wala niini maila nga grabe ka sweet.

Sa pagkakaron, nakatala na sa buhatan sa kapolisan ang maong insidente alang sa tukmang disposisyon.