Dear Papa Joe,

Tagua lang ko sa ngalan nga miss. Gemini, 25 years old ug may ka live in nga 27 years old. Angkunon nako dihang uyab pa mi medyo hot ko nga pagka babaye. Pero dako kaayo ang kausaban karon ug nahadlok ko basin naay epekto niya unya magkabuwag na hinuon mi sa akong bana. Ingon ani,  human ko nanganak ug gi-caesarian, after 3 months maora naman ko og di na ganahan og sex. Bisan mamugus akong bana, maorag wala na. Samot na nga murag agresibo na kaayo akong bana sa katre, maorag wa gyuy effect nako. Pero kon maghunahuna ko og mga artista, anha na ko maganahan mao nga everytime nga magbugno ang lion ug karnero, laing lion akong hunahunaon.

Sala ba kini? Unsa may angay nakong buhaton? Palihug tambagi ko.

MS. GEMINI

Miss Gemini,

Dili ko expert anang imong gipamati no ug I am sure nga naa gyuy mga expert ana nga pwede nimong duolan sama sa imong OB gynecologist  o psychologist. Basin lang sa akong pagsabot, na trauma pa ka sa pagpanganak nimo labi na bag-o pa kaayo. Medyo sakit pa imong samad sa ilawon siguro ug ang paghunahuna nimo og lain mao makahatag nimo og adrenalin nga mo pa-function sa imong brain ug makauyon sa inyong gibuhat.

Kon di kaya, ingna imong bana sa tinuod kabahin sa imong gibati. Kon mahimo, i-stimulate sa ka niya para fair ug ikaw sad para fair. Focus sa imong bana. Kon nangutana ka kon sala ba na nga mag imagine og lain sa presensya sa imong bana, ang tubag niana kay nasayod na ka.

PAPA JOE

(sa inyong tampo ipadala lang sa papajoesuperb@gmail.com)