SUPAK si Mayor Eduardo Gullas sa plano sa iyang city engineer nga ila lang unang ayuhon ang naguba nga riprap sa Gawad Kalinga Village sa Barangay Lawaan I, dakbayan sa Talisay samtang wala pa maguba ang spillway nga gitukod sa pribadong tawo.
Una niini, si City Engineer Gamaliel Vicente Jr. nisugyot ngadto ni Gullas na ila lang unang ayuhon ang nagubang riprap aron dili modako ug dili mabutang sa peligro sa taga Gawad Kalinga ug magasto pabayran ni Marciano Parba, nagtukod sa spillway nga gibasol sa pagguba sa riprap atol sa pagbaha.
Si Gullas niingon nga supak siya sa plano ni Engr. Vicente ug gusto niya unahon pagguba ang spillway.
Matod ni Gullas, mahulog og walay bili busa kon ayuhon ang riprap apan dili maguba ang spillway kay kon dunay kusog nga uwan moawas ang tubig paiĀngon gihapon ngadto sa riprap og maguba ra gihapon kini.