NALANDIG sa tambalanan si Cebu City Mayor Tomas Osmeña human nakasinati og panakit sa iyang tiyan kagahapon sa kaadlawon.

Anaa sa Chong Hua Hospital gi-admit ang mayor diin gikompirmar kini sa iyang asawas nga si Councilor Margarita “Margot” Osmeña.

Matod ni Margot nga kaduha sila nagbalik-balik sa tambalanan human nakasinati og pagsakit sa iyang tiyan ang mayor.

Dugang ni Margot nga nikaon ang Mayor og sobra nga pagkaon nga gidala niini gikan sa iyang pag­larga gawas sa nasod bag-o kini nakasinati og panakit.

Ang managtiayon nibisita sa hospital alas 2:30 sa kaadlawon kagahapon ug niuli ra kini human sa check-up sa emergency room.

Apan human nagpabilin ang sakit sa tiyan niini nibalik sila sa Chong Hua pasado alas  9:00 sa buntag.

Nipili ang mayor mga ma-admit samtang gitumar niini ang pain killer nga gihatag sa doktor kaniya.

“He admitted himself. We’re supposed to have dinner tonight (yesterday) with our friends from abroad and he wants to go, but I’m not sure he can. But he’s okay. It’s really indigestion, nothing serious. He just came here again because he wanted to see a specialist in gastroenteritis,” matod ni Margot dihang nahinabi sa SunStar Cebu.

Dugang ni Margot mga gihatagan na ang mayor og clearance sa doctor nga mamahimo na kining makagawas kagahapon tungod dili seryuso ang maong kaso.

“Of course, they would like to make ano (speculations) that he’s dying, that he has that, he has cancer. I’m sorry to disappoint them but its not true. We have nothing to hide,” dason niya.

Oktubre 2008 dihanag na-diagnosed si Osmeña og stage four malignant tumor sa iyang pantog.

Niadtong Abril 2009 dihang nipaubos si Osmeña og surgery aron ipatangtang ang iyang urinary bladder o pantog, iyang prostate ug 40 ka lymph nodes.

Sa iyang uwahi nga bisita sa MD Anderson Cancer Center sa Houston, Texas, nagpabilin nga cancer-free ang mayor.