4 ka bata nahilo sa suman nga binggala

UPAT ka mga bata ang nilanding sa balay tambalanan ning siyudad sa Cagayan de Oro human giingong nahilo sa binggala niadtong Huwebes sa buntag sa Magbanday, Claveria, Misamis Oriental.

Nadala sa Northern Mindanao Medical Center (NMMC) ning siyudad sila si Jeremy Mantugus, 8; James Mantugus, 5; Mark Jay Barros, 7; ug Jhon Paul Barros, 4, pulos nanimuyo sa nahisgutang dapit.

Subay sa report sa NMMC nga ang mga biktima posibleng na food poison tungod kay pulos galain ang mga tiyan human nakakaon sa giandam nga pagkaon sa ilang inahan aron e-isnak.

Gikabutyag nga nangaon lamang kini sila og binggala nga gisuman sa ilang inahan ug natingala na lamang sa dihang pulos na galain ang mga pamati sa mga biktima, hinungdan nga gidala kini sa balay tambalanan.

Sa pagkakaron, pabilin pa nga nagpalaim sa NMMC ang mga biktima apan giingong anaa na kini sa luwas nga kahimtang.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph