KAY Valentines man “inchicks” sad atong topic ron. Pasabot mga dalaga nga taga China. Sila si Yifan ug Ju Wenjun ang anaa karon sa news sa chess.

Bag-o lang nahuman ang Gibraltar Open sa miaging semana nga mao kunoy pinakadako nga Open sa chess ug dagko sad premyo. Gikonsiderar ni nga “most organized” ug “finest” tournament sa kalibutan.

Pero naay nahitabo sa tournament nga maka question ta ani.

Si Hou Yifan maoy world champion sa kalibutan sa mga babaye. Niapil siya aning Gibraltar Open ug miprotesta nga unique kaayo. Pagduwa niya sa last round kalit siya miundang human ka five moves ug mi-resign.

Ang kadaghanan nga protesta sa chess kay dili na lang motunga ug ma forfeit nalang. Iya ning gibuhat para mahighlight ang iya protesta.

Pagprotesta ni Bobby Fischer kontra Spassky wala siya moduwa, Mao sab ni gibuhat ni Kramnik kontra Topalov adtong toiletgate scandal.

Ingon si Hou nga wala gyud siya makagusto aning tournament kay pito ka babaye ang iyang nakontra sa napulo ka duwa.

Ang format ani kay Swiss system 10 rounds, Ang mahitabo unta mga tulo o upat ka babaye lang unta ang iyang makontra kay mas daghan kaayo ang mga laki. Ingon sa mga nagsunod aning tournament naay “fixing” sa pairings kay mas daghan kaayo ang laki.

Gi-imbistigar ni sa mga independent officials ug sa ilang judgment wala gyuy fixing. Mao ni resulta sa pairings . Ang gigamit mao ang Swiss manager computing system nga aprobado sa Fide.

Si Hou Yifan wala pa gyud kaagi og kontrobersiya. Nagsugod siya pagka world champion niadtong 2010 ug popular kaayo sa mga major tournaments kay pirmeng giimbitar. Ni apologize siya karon sa iyang gibuhat labi na sa mga fans sa China.

Ingon ang mga organi­zers sa Gibraltar, nadaot ang ilamg reputasyon nga best organized open tournament sa kalibutan. Ang tanan nako basi dili na makaduwa si Hou sa sunod nga mga tournaments ani kay kada tuig ma ni. 15 na ka tuig kining tournament.

Si Ju Wenjun maoy nidaog sa mga babaye og 15,000 euros dinhi sa Gibraltar.

Sa Nobiyembre 2014, nahimo siyang grandmaster kay naa na siyay unom ka GM norms apil ang pagdaog og ka tulo sa Grand Prix. Full pledged grandmaster na siya ug ika-31 sa mga babaye ug ika-31 sab sa China. Siya karon ang paborito nga modaug sa Women championship nga on-going sa I ran, Ang iyang rating sobra na 2600 ug second na sia ni Hou.

Wala modefend si Hou sa iyang title sa Iran kay naa siyag disgusto sa format nga knockout tournament nga apil ang 64 top players sa kalibutan. (boypestano@gmail.com, www.chessmoso.com)