KAPIN sa 900 ka mga tindera ug stall owners sa merkado sa dakbayan sa Mandaue nakigtagbo ni Mayor Luigi Quisumbing sa session hall sa city hall kagahapon sa buntag.
Matod ni Quisumbing sa dihang nahinabi sa Superbalita Cebu nga atol sa meeting, gipahibalo ang mga tindera sa kalambuan sa pagtukod pagbalik sa bag-ong merkado sa daan niining nahimutangan luyo sa simbahan sa St. Joseph Parish.
Gawas niini, si Quisumbing niingon nga gipaminaw usab nila ang mga yangungo sa mga tindera lakip na ang mga problema nga ilang nasugatan sa bag-ong merkado.
“So we sit down to them and talk to not on only the officers, not only to the council, but really all of the vendors so we can really get the good cross section of opinions,” matod ni Quisumbing.
Dugang niya nga iyang gipahibalo ang mga tindera ug mga stall owner kabahin sa bag-ong merkado sa Mantuyong ug ang gikatakdang pagkahuman sa bag-ong merkado karong umaabot Agosto ning tuiga.
“Well, we want to talk to them on the progress of the construction sa atong bag-ong merkado sa mantuyong as well as listen to some of the concerns that they had. Some of the problems that the existing and the current market site and what we see maybe on the transition on the new market,” dason sa mayor.
Paambit ni Quisumbing nga iyang gipamati ang mga yangungo nga gipadayag sa mga tindera gikan sa pagproseso sa permit ug uban pa.