ANG NCCC B3 Center Lanes mopahigayon og Bowlin'tine All-You-Can Midnight Bowling karong Sabado, Pebrero 18, alas 6 sa gabii hangtud alas 12 sa gabii sa NCCC Mall Davao B3 Center lanes.

NCCC B3 Center office-in-charge Antonio Venculado Jr. miingon sa gipadalang e-mail, ang kalihukan abli sa tanang interesado nga dunay pares.

“It is open for couples, friends, family and other group of people,” niya pa diin kini linya sa NCCC B3's Valentine's Day treat alang sa ilang kustomers.

Niya pa, ang “best pair” mahatagan og P2,000 kantidad gift certificates dugang nga pilian sila sa NCCC staff.

Samtang ang pares nga dunay pinakataas nga puntos makadawat og P500 kantidad gift certificate gikan Harmonails Salon and Big Toms Barbershop uban ang duha ka movie tickets.

Ang rehistrasyon mobalor og P500 lakip na ang snacks, unlimited ice tea ug bowl all-you-can. (ABM)