DEAR Tita Heart,

Maayong adlaw nimo tita ug sa mga suki sa SuperBalita.

Tita, kanunay ko gabasa sa imong tambag kay daghan sab ko gakatun-an. Kining akong problema tita bahin gyod sa akong asawa nga nagduda ko nay laing lalaki.

Nagsugod man gud tita kay dili ko pakitaon sa iyang cellphone, magsige smile nga siya ra atubang sa cellphone ug busy kaayo sige text. Tita unsaon nako nga masayod ko nga naa siya gikabuangan lain? Salamat ug magpaabot kos imong tambag.

Rolly

*****

Hello Rolly,

Maayong adlaw sab nimo ug salamat sa sige og sunod sa akong mga tambag.

Kon ako ang anaa sa imong posisyon akong bawion ang iyang cellphone ug dili ihatag kon dili moangkon unsay iyang gikabisihan sa text. Kinahanglan gayud ka makabalo kung unsa na iyang gangisi ngisian diha sa iyang celphone tungod kay diha man gud magsugod ang problema.

Usa pa mawala na iyang pokos sa inyong pamilya kay magyampugad siya sa cellphone. Mintras sayo pa pakganga aron dili mapadayon kon unsa man iyang gikabisihan.

Tita Heart