SI Maja Salvador ang usa sa mga kapamilya star nga dili gyud mawagtangan og proyekto, kon naay matapos sundan sab kini dayon.

Human siya nahimong leading lady ni Coco Martin sa "Ang Probinsyano" nag-concert sab dayon ang guapa.

Padayon sab ang iyang singing career ug bongga ang dating sa single niyang "Dahan-dahan" nga padayong hit karon sa radyo.

Sa pagbalik karon ni Maja Salvador sa primetime bida gidugokan ug gitotokan sa unang semana pa lang ang iyang teleseryeng "Wildflower".

Grabe ka intense ang mga eksena sa maong serye nga miani og taas nga rating. Init sa salpukan ug init sa emosyon ang gipakita dayon niini gikan pa lang kang Tirso Cruz III, Wendel Ramos ug labi na usab kay Aiko Melendez. Karon pa lang makalagot ug makapainit sa dugo ang ilang pagka-kontrabida.

Sila Christian Vasquez, Sunshine Cruz ug ang nagdala sa batang Maja nga si Xyriel Manabat sa aktingan sulit na imong pagtutok niini. Makauban ni Maja dinhi ang tulo ka mga hunk nga silang Vin Abrenica, RK Bagatsing ug Joseph Marco nga maoy mopasamot sa lain pang mga init nga eksena.

Ang "Wildflower" makita nato sa dili pa mag-TV Patrol matag hapon sa Kapamilya network.

Lig-on ang pagbalik ni Maja kay dili lang sa telebisyon ang iyang pagrampa kondi lakip na sa mga sinehan.

Salida karon ang pelikula niyang "I'm drunk i love you" balik tambalan sa iyang kalabtim sa "Bridges of Love" nga si Paolo Avelino.

Usa ka romantic comedy ang pelikula ug lahing Maja ang atong makita usab dinhi ug makauban pa niya silang Jasmine Curtis Smith, Dominic Rocco ug Irma Adlawan. Relate na relate ang atong moviegoers kay istorya kini sa mag-bestfriends sa dugay nang panahon ug na-inlove.

Unsa man na-friendzone o managhigala lang gyud? mao ni inyong susihon kon motanaw mo og "I'm drunk i love you." ay'g saba!