MAKIGPINUGAAY og singot sa utok ang Cebu Executives and Professionals Chess Association (Cepca) batok sa nanag-unang babayeng chess players sa Sugbo karong adlawa sa Knight Attack Chess Cafe sa Robinsons Galleria-Cebu.

Moabot ngadto sa 26 ka mga parisan ang magsangka sa kalihukan nga giulohan og Cepca B vs. Cebu Lady Woodpushers.

Ang mga sakop sa Cepca pangulohan sa ilang presidente nga si Engr. Jerry Maratas samtang ang mga babaye pangulohan ni KC Morala.

Moduwa sab sa Cepca ang kanhi mayor sa siyudad sa Sugbo nga si Michael Rama uban nila ni Dr. Darcy Tabotabo ug chess patron Boojie Lim.

Ang ubang mga sakop sa Cepca mao sila si Marvyne Guardiana, Denster Abella, Jun Pasion, Edilberto Velarde, Regelito Hortelano, Ruel Hortelano, Bob Inocian, Manny Manzanares, Gabby Misterio, Nicnic Climaco, Jeffrey Solis, Louie Alalim, Mico Tequillo, Cesar Fernandez, Joe Atillo, Adrian Valparaiso, Tony Barade, Jun Limquiaco, Jun Olis, Edwin Cablao, Richard Ouano ug El Labunog.

Ang ubang mga babayeng moduwa mao sila si Laila Nadera, Aireen Robillos, Lyka portes, Lyan Portes, Jacia Dorog, Kristen Yorchabel, Maria Sanchez, Maryville Lumapas, Marvie Abucay, Quenilyn Torres, Janice Lumapas, Shiela Mae Diloy, Apple Shindan, Shaina Claro, Marphine Mangubat, Shaira Monsalud, Cristy Cabungcag, Chara Cabagan, Rowena Padro, Naureen Bagano, Jeremy Bajo, Charita Barita, Adelyn Bensi, Queeni Cablao, Alphecca Gonzales, Shannon Mae Barte ug France Fiel.