UNA nang gikataho nga iyang gipa-blotter apan, kagahapon sa bun­tag personal nga ni­adto sa Talisay City Police Office ang pangulo sa City of Talisay Traffic Operation Development Authority (CT-TODA)Al­mond dela Peña aron pag­pahibawo nga mopasaka gyud og kaso batok niadtong tulo ka mga kanhi traffic enforcer nga padayong nag-operate gamit ang citation.

Matod ni dela Pena nga kasong usurpation ang ilang ipasaka sa tulo tungod kay nagpatuo paman gihapon kining traffic enforcers bisan og kini gitaktak na sa dihang siya nilingkod sa katungdanan hulip ni retired Gen. Hiram Benatiro.

Iyang gibutyag nga sa tulo ka mga enforcer nga ilang nasakpan ug gi-report sa kapulisan nga padayong nanakop sa motorista.