DEPENSAHAN ni Klay Thompson ang iyang korona sa NBA three-point contest, diin ipahigayon karong Dominggo, Pebrero 19, sa New Orleans.

Naila si Thompson sa iyang panag-uban ni Stephen Curry sa Golden State Warrrios, diin ginganlan sila og “The Splash Brothers”.

Mismo si Thompson sab ang naglangkat sa korona kang Curry sa niaging three-point contest.

Uban nga partisipante sa three-point contest mao sila Eric Gordon (Rockets), Kyrie Irving (Cavaliers), Kyle Lowry (Raptors), Wesley Matthews (Mavericks), CJ McCollum (Trail Blazers), Kemba Walker (Hornets) ug Nick Young (Lakers).

Sundan dayon ang three-point contest sa kulbahinam nga slam dunk contest.

Mag-ilog sila Aaron Gordon (Orlando), Derrick Jones Jr. (Suns), DeAndre Jordan (LA Clippers) ug Glenn Robinson (Indiana) sa kinsa kanila mahimong slam dunk king.

Sa Taco Bell skills challenge, magrambol sila Devin Booker (Suns), DeMarcus Cousins (Kings), Anthony Davis (Pelicans), Gordon Hayward (Jazz), Nikola Jokic (Nuggets), Kristaps Porzingis (Knicks), Isaiah Thomas (Celtics) ug John Wall (Wizards).