SULAYAN sa Bulua National High School (NHS) nga makompleto nila og harus ang elimination round sa first Cagayan de Oro Public Schools Basketball Challenge high school boys division, diin pagadulaon didto West City Central School covered courts.

Makapmit sa Bulua NHS ang unang silya ngadto sa crossover round kung modaug sila sa batok sa Indahag NHS karong alas-2:30 sa hapon.

Solong nag-una ang Bulua NHS sa bracket A nga adunay limpyong 3-0 win-loss record, samtang kas-a pa lang nakadula ang Indahag NHS diin gisalubong sila og pilde batok sa Kauswagan NHS niadtong Pebrero 12.

Sulod sa ilang mga dula, gipilde sa Bulua ang Kauswagan sa iskor 63-44 pag-abli sa ilang kampanya.

Sundan pagparot nila sa mas eksperyensadong Misamis Oriental General Comprehensive High School, 37-34, ug Canitoan NHS, 57-46.

Awhagon na sab sa Bulua NHS ang ilang saligando nga si Jowe Oculares aron mangulo sa ilang opensiba.

Sa bracket B, masulayan sa Tablon NHS ang bangis sa Cagayan de Oro NHS o City High pag-agbat nila karon sa alas-3:30 sa hapon.

Nagpakita ang Tablon NHS sa ilang bagong hulagway ning nga liga human nisuprisa sila pagsirit og duha ka sunod-sunod nga daug gikan sa pag-abli sa liga bago pa man gipahunong sila sa Carmen NHS niaging semana.

Apan, gapanikad pa lang ang City High ni coach Bismark Labadan.

Kas-a pa lang nakadula ang City High nigdtong gilubong nila ang Carmen NHS sa iskor 89-50.

Sa pikas bahin, gikanselar tanan dula kagahapon tungod kay dili bakante ang WCCS covered courts.

Dula karon didto sa WCCS:

12:30 pm (Elem) Kauswagan CS vs Pagatpat ES

1:30 pm (HS girls) City High vs Carmen NHS

2:30 pm (HS Boys) Bulua NHS vs Indahag

3:30 pm (HS boys) Tablon NHS vs City High