GUMIKAN sa kanunay nga masinating kusog nga pag-ulan ning panahona ang kapolisan nagmugna og rescue unit sa Police Regional Office-Northern Mindanao.

Kini ang gibutyag ni Police Superintendent Lemuel Gonda, kinsa tigpamaba sa PRO-Northern Mindanao, ug miingon nga adunay mga himan ang kapolisan nga sakop sa rescue teams.

Gani gipahimangnoan ang mga rescue teams nga kinahanglan insakto ang kahimanan aron dili maulawan sa pag-rescue.

Ang pipila ka mga rescue equipment gilangkuban sa rubber boat, generator set, pisi, life jacket o life vest, flashlight, ug uban pa nga parte sa PNP modernization.

Ang mga ekipo gikan mismo sa ilang buhatan ug gikan sab sa mga local nga kagamhanan sa nagkadaiyang lungsod nga maoy gasundon sa kapolisan kung deployment ang hisgotan.

Buot sab niining andam kanunay ang kapolisan panahon nga adunay mga kalamidad nga masinati. (SVB)